O substrato xeolóxico de Valdeorras está representado, maioritariamente, por xistos e lousas. Son solos pouco fondos, abondosos en pedras; terreos quentes que potencian o grao alcohólico e a complexidade das uvas e que dan viños con marcado carácter mineral. 

Combinan o arrastre milenario de sedimentos polo río Sil cos limos e arxilas empurrados dende as pendentes polas augas de escorrentía. Deles obtéñense anadas farturentas.

Moi presentes en Valdeorras, toleran una gran retención de auga e son ricos en nutrientes, o que dá lugar a producións boas e equilibradas.

Presentes na zona norte da comarca, teñen a característica de amolecer no inverno para recibiren auga e de encollerse no verán para a reteren, o que permite obter viños de calidade, con potencial para o envellecemento.

Este tipo de solos posibilita maduracións suaves: polo día irradian calor e pola noite arrefecen máis cedo, o que favorece a produción de viños máis florais, non moi minerais, con gran carácter varietal.